كل ما يخص شعبة علم النفس المعلوملت الدراسة والافاق

شعبة علم النفس

هاد الشعبة متواجدة بأربع جامعات :

جامعة محمد بن عبد الله (فاس)، جامعة الحسن الثاني (الدار البيضاء والمحمدية) جامعة إبن طفيل (القنيطرة)، جامعة محمد الخامس (الرباط). لكن خاصك تسجل فالجامعة للي عندك فيها الحق بمعنى خاصك تشوف الروافد ديال كل جامعة من هذو للي ذكرت قبل.

شروط الولوج كايتبدلو كولا عام خاصك تقلب كثر عليهوم، ولكن بالنسبة لسنة 2016 فاش تسجلت بهاد الشعبة كانو الشروط هوما الحصول على معدل 12 فالفلسفة (الوطني) و معدل 10 في اللغة الفرنسية (المراقبة المستمرة).

بالنسبة الآفاق: الإجازة " ماوكلاش" فأي تخصص ... والآفاق محدودة.

 فيما يخص آفاق علم النفس فهي كالتالي : 

الحق في مباراة التعليم الإبتدائي، والإعدادي والثانوي تدريس مادة الفلسفة، وكذلك الحق في إجتياز مباراة الأمن الوطني و ومباراة المندوبية العامة لإدارة السجون وإعادة الإدماج، وايضا كاتكون عندك صفة مربي بالإجازة وكاتخدم فمراكز خاصة بالإعاقة وجمعيات مهتمة بذوي الإحتياجات الخاصة كمربي... بالإضافة إلى إجتياز مباراة وزارة الأسرة والمرأة والتنمية الإجتماعية، ومباراة التعاون الوطني...

وبدبلوم الماستر كاتكون عندك صفة أخصائي نفسي أو أخصائي نفس إجتماعي ، أخصائي نفسي عصبي، على حسب الماستر للي درتي... 

ملاحظة : نتمنى تقبل فهاد التخصص حيتاش غاينفعك نت للول وغاتفيد بيه الآخريين، وكانصحك يلا بديتي الدراسة فهاد التخصص أنك تبقى دير التداريب "لسطاج" فمراكز وجمعيات متواجد بيها اخصائي نفسي، حيت الإحتكاك في الميدان كايخليك تبحث كثر فهاد المجال وتكون راصك كثر.