التوجيه ما بعد الباك - ISPITSS هو المعهد العالي للمهن التمريضية

شنوهي ل ISPITS توجيه 
ISPITSS هو المعهد العالي للمهن التمريضية و تقنيات الصحة مؤسسة تعليم عالي غير تابعة للجامعة فالتأطير ديالها تتخضع لوزارة الصحة و وزارة التعليم العالي و تكوين الاطر و البحت العلمي كانت تتعرف سابقا ب IFCS و ف 2013 تم اعتماد نضام LMD فيها و تغير الاسم و نضام الدراسة فيها الى نضام الوحدات système modulaire و الدراسة فالسلك الاساسي كدوم 3 سنوات كتحصل فيها على الاجازة المهنية فالعلاجات التمريضية و تقنيات الصحة حسب التخصص لي درتي خلال التكوين هد الاجازة كتكمنك من ولوج الوظيفة العمومية و سوق الشغل و يمكن لك تكمل بها الدراسة ديالك فالماستر اما داخل المعهد او فالجامعات المغربية

كيفاش تيديرو دخلو ل ispits

الايسبيتس هو من المعاهد الوطنية دات الاستقطاب المحدود يعني الولوج ليها كيتطلب مبارة لي كدوز من مجموعة من المراحل

1. الانتقاء القبلي
2. الاختبار الكتابي
3. test d'aptitude

التخصصات

فالايسبيتس كاين مجموعة ديال التخصصات كتدخل فشعب

شعبة العلاجات التمريضية : فيها 6

1.  ممرض متعدد الإختصاصات 
2. ممرض في التخدير و الإنعاش 
3. ممرض في الصحة النفسية 
4. ممرض في العلاجات الإستعجالية و العناية المركزة 
5. ممرض في علاجات المواليد 
6. ممرض في صحة الأسرة و الصحة الجماعاتية.

 شعبة تقنيات الصحة : فيها 7

1. الإحصـائيات الصحية 
2. صيانة المعدات البيوطبية 
3. المختيـر 
4. الأشعة
5. الحمية و التغدية 
6. محضر في الصيدلية
7. الصحة و البيئة .

شعبة الترويض و إعادة التاهيل: فيها 6

1. مقوم البصر 
2. مصحح النطق -نفساني حركي 
3. مروض طبي 
4. واضع اجهزة استبدال الأعضاء
5. الترويض بالعمل.

 شعبة القابلة : فيها 1 هي قابلة نيت

 شعبة المساعدة في المجال الطبي و الاجتماعي:

 فيها 1 هي مساعد اجتماعي
 عند التخرج جميع الشعب عندها نفس الديپلوم عند التوظيف كيكون عندنا نفس السلم و نفس الخلصة يعني كلنا بحال بحال الاختلاف فاشنو كنقراو خلال التكوين و هدشي بسبب التخصص متلا المختبر ما غيقراوش المواد د مول الراديو حيت ما غيحتاجوهومش
ادا فاختيار الشعبة ختار الشعبة لي كتميل لها و الطموحات ديالك

شنوهي العتبة ديال الولوج للمعهد

 العتبة ما يمكنش تتوقعها حيت كتختلف من معهد ل معهد و من تخصص ل تخصص و من سنة ل سنة و كانو من بعد مكيلوح الإعلان تاع الناس لي تهزو فالمبارات تيخرجو العتبات و لكن مؤخرا مابقاوش

باش تفهمو كتر متلا طالبين 80 فممرض متعدد الإختصاصات غايهزو 3000 واحد متلا و غايبدوا من صاحب اعلى نقطة و هما هابطين تيوقفو عند الرقم 300و النقطة تاع داك الشخص هي العتبة

شحال كتخلصو و فين كنخدمو

الممرض هو اطار دولة مصنف في سلم الاجور رقم 10 + بالتعويضات الخلصة كتوصل ل 60000 درهم تقريبا قل شي مبلغ قليل هدشي شهريا ماشي سنويا اولاد العباد
 كنخدمو فجميع المرافق ديال منح العلاجات ف جميع الوزرات لان الاطار الحالي ولى مشترك بين الوزرات و كاين لي دخلو كممرضين فالشرطة بسلم 10 و برتبة ضابط
لا ما بغيتش نخدم واش ممكن نكمل قرايتي
اكيد كممرضين عندنا الاجازة لي كتعطينا الحق نكملو الماستر و هنا كاين جوج مسارات
المسار الاول : ماستر المعهد : 1 قبل ما تخدم ممكن دفعلو و دوز الكونكور و لا نجحتي كتقرا فيه
2 ادا خدمتي خصك تسنا 4 سنوات عاد تقدر دفعليه
 المسار الثاني : ممكن دفع للجامعات و المعاهد الوطنية و تكمل الماستر بدون شروط فقط تجيب الكونكور و كاين نمادج لي تقبلو فمدارس فالماستر مثل ENCG
و ممكن تقلب الطريق فدقة كيما دار واحد الاخ و الصديق كان ممرض متعدد التخصصات و ولا استاد بالتعاقد

معلومات اضافية

الاجازة = سلم 10
الدكتورة = خارج السلم + التدريس + البحث العلمي
انطلاقا من الاجازة كيتفتحو قدامك افاق كتيرة منها المدرسة الوطنية للصحة العمومية لي كتخرج الناس لي كيمشيو وزارة الصحة و الكتير الكتير
 ب.س دكتورة المعهد هي دكتورة وطنية

الماستر = سلم 11 + التدريس داخل المعهد