شرح رواية la boîte à merveilles بالعربية (الدارجة المغربية )

شرح رواية la boîte à merveilles بالعربية (الدارجة المغربية ) 

شرح رواية la boîte à merveille بالعربية (الدارجة المغربية ) 

مرحبا بكم .كيفما واعدتكم هاهي "La boîte à Merveilles" بالدارجة المغربية ، غير قراو لينا . اه قبل منبداو فسطاتي جاية انحطو شرح ديال Antigone الى كنتو باغينها كتبوها لتحت فكومنطير او متنساش تتبارطاجي مع صحابك 

Chapitre 1 la boite à merveilles en arabe

فلول الراوي (le narrateur) وفنفس الوقت هو بطل الرواية ، سميتو سيدي محمد عندو 6 سنين، كيعيش فدار الشوافة حيت ساكنة فسفلي شوافة سميتها كنزة الراوي تيوصف لينا ديك الدار وگاع الناس اللي فيها ، وعاود لينا على الأحاسيس تاوعو وبلي ديما تيعيش فالوحدة (أو العزلة la solitude) وعاود لينا كذلك على بعض المشاعر دياولو ، وقالينا بلي متيحملش واحد البرهوشة ساكنا نيت فدار الشوافة سميتها 'زينب' ، وبلي مكيحملش يمشي للحمام او تيعتابرو بلي جهنم 

عاود لينا أسيدي كذلك بلي تخاصمات لالاهم 'زبيدة' _الوالدة ديالت سيدي موحماد_ مع 'رحمة' بسباب نشير الحوايج حيت هما ديرين نوبة على نشير . 

 Chapitre 2 la boite à merveilles en arabe 

سيدي محمد مشا مع مو ولالاه عيشة لواحد الضريح 'سيدي بوغالب' ، 

وفنفس الشابيتر مرض سيدي محمد حيت قمشاتو وحد لمشة فداك ضريح . 

 Chapitre 3 la boite à merveilles en arabe 

هنا تيعاود لينا بلي شراو لامبا (lampe à pétrole ) وبلي تجلات زينب . 

من بعد وفنفس الفقرة لقاو زينب ودارت الوالدة ديالتها الطعم (سكسو ههه) وعرضات على الفقراء باش تشكر الله حيت رد ليها بنتها 

( الوالدة تاعت زينب سميتها رحمة وهي اللي تخاصمات معاها زبيدة فالشابيتر اللول على نشير ) 

 Chapitre 4 la boite à merveilles en arabe 

هنا أسيدي السيمو مشا مع مو عند لالة عيشة وعاودات ليهم بلي راجلها مولاي العربي داير فاييت (تسيزا حيت نصب عليه الخدام ديالو ) 

وعاود لينا حتى على مول الحانوت عبد الله اللي تيعاود القصص (هنا إشارة إلى التراث الشفهي اللي كيتنقل عبر الأجيال حيث قال سيدي محمد بلي باه سمع الحكايات ديال عبد الله مول الحانوت ومشا تاهوا تيعاودهم لمراتو وبالمناسبة بات سيدي محمد سميتو عبد السلام ) 

 Chapitre 5 la boite à merveilles en arabe 

مات سيدي محمد بن الطاهر الكوافور ديال درب ، وعاود لينا داك المسخوط ديال سيدي محمد بلي تخاصم تاني مع ديك الموصيبة ديال زينب . 

 Chapitre 6 la boite à merveilles en arabe 

هنا كينقيو المسيد وتيجيروه فاش كيقرا دا موحماد حيث قرب عاشوراء ، من بعد مشات معاه مو للقسارية تشري ليه لحوايج ديال عاشوراء ، 

تطرق إلى أن 'رحمة' كتعاود القصة ديالت عثمان وبلي تزوج مرا صغيرة عليه اوه لمدة لي تزوج هي بنت الكوافورة ... 

 Chapitre 7 la boite à merveilles en arabe 

- عاشوراء 

- عند الحلاق 

- لالا عيشة ولات بخير بعدما راجلها ضربو السيزي 

 Chapitre 8 la boite à merveilles en arabe 

شراء الخلخال bracelets وبلي سيدي محمد مرض تاني 

 Chapitre 9 la boite à merveilles en arabe 

بات السيمو تاهوا داير فاييت ومشا يخدم فالحصاد حيت طيح راس المال ديالو كامل ملي كان فسوق ، اذن مشا فبرا دلمدينة ، ولالا عيشة خلاها راجلها ومشا تزوج عليها 

- زيارة سيدي محمد التيجاني 

 Chapitre 10 la boite à merveilles en arabe 

لالة عيشة ولالة زبيدة مشاو عند شي كهان 'مشعوذ' voyant 

 Chapitre 11 la boite à merveilles en arabe 

زيارة لالة عيشة اللي فرحات بزاف ملي راجلها خلا هاديك اللي تزوجها ورجع لعيشة ونساو الماضي ... 

 Chapitre 12 la boite à merveilles en arabe 

أسرة سيدي محمد فرحوا بزاف بعدما رجع رب الأسرة عبد السلام . 

وبهذا نكونوا كملنا شرح الرواية بالدارجة بارطاجيو هاد المنشور باش يوصل لأكبر عدد من الاصدقاء باش يستافدوا ، طاكيو صحابكم وبارطاجيو فلكروبات 

بالتوفيق للجميع. متنسوش كلمة فحقنا ، او دعوة ديال الخير 

نتلاقاو فالموضوع جاي ان شاء الله